FÓSTBRÆRAFRAMBOÐ

Er það lýðræðislegt eða bara heppilegt að fóstbræður og skoðansistkyn stjórni alfarið Alþýðusambandinu? Ágætis fólk en einsleitt. Hjá mér klingja ýmsar bjöllur ...

Styður Ragnar og sækist eftir embætti á þinginu

Nú er eitthvað meira að

"Það er verið að ljúga að okkur", segir rithöfundurinn og heilsugúrúinn. Í þessu tilfelli er það líklega bara rithöfundurinn sem tjáir sig. Þvílík steypa.

ÆÐIBUNUGANGUR

  Ég legg leiðir mínar víða akandi á hverjum degi, upphaf hverrar ferðar er í Þverbrekku í Kópavogi. En leiðirnar liggja um allt höfuðborgarsvæðið. Á helstu umferðaræðum er kappakstur á öllum álagstímum, nema allt sé stíflað. Margir keppendur eru ekki hæfir til þess að stunda þetta óskynsamlega athæfi í almennri umferð.

  Þegar 8 bílar lenda hver aftan á öðrum við Kópavogsgjána og það klukkan 8 um morgun, í góðri morgunbirtu, er engu um að kenna nema æðibunugangi viðkomandi ökumanna. Þeir ættu að mínu mati að fara í endurhæfingu til þess að læra háskaminni borgarakstur. Þess vegna að taka próf til ökuleyfis á ný, er það ekki bara?

Átta bílar í árekstri

MIKIL TÍÐINDI

  Þetta eru mikil tíðindi og spurning hvernig þau Jóhann Berg og Hófý fóru að þessu. Ekki síst af því að Hófý Björnsdóttir er ekki til í þjóðskránni.

Jóhann Berg og Hófý eiga von á barni

TILGANGURINN

  Það er alltaf áhugavert þegar fréttist af áhuga borgaryfirvalda á vörinni, sem kemur af og til eins og hiksti eða andvarp en lítið meira. Alla vega lítur vörin álíka út núna og í mörg undanfarin ár, skúrarnir og einhverjir munir við þá á róli haltir og skakkir.

  Er einhver tilgangur ætlaður með því að halda þessu svona - eða með því að endurbyggja skúrana með trönum og tilheyrandi á þessum bletti við Ægisíðuna? Eða er ætlunin að þetta verði áfram eins eða endurbyggt sem leikmynd úr fjarska, án innihalds og aðgangs?

Hægt að endurgera Grímsstaðavör fallega

NAFNBIRTINGAR

  Um þetta mál eða þessa persónu veit ég ekkert annað en kemur fram í fréttinni. En spyr hvort viðteknar reglur varðandi birtingu nafna dómþola hafi gerbreyst? Þarna er um að ræða héraðsdóm varðandi nokkrar milljónir. Ekki dóm Hæstaréttar né dóm um stórfelld svik hvað þá meiðingar af nokkru tagi.

  Er Morgunblaðið með einhver viðmið varðandi svona nafnbirtingu?

Sektaður um tæpar 14 milljónir

HVER ER BAGGINN?

  Ekki er að sjá af þsssum myndum að almúgaafgreiðslulið hafi verið önnum kafið eða að nefndir höfundar hafi verið störfum hlaðnir við að hlaupa undir bagga. Sé ekki að neinn hafi verið að selja neinum neitt. Sem er þá líklega met í upphafi lokatarnar jólasölunnar? Mogginn er stundum með véfréttir ...

Höfundarnir hlaupa undir bagga

OG HVAÐ ER SVO ÞARNA UPPI?

  Ég spyr eins og hver annar fáráðlingur. Hverju áorkar súlan, nær hún bandi við eitthvert ytra afl og þá til hvers? Eða er þetta innhverf íhugun gamallar konu, sem hefur efni á að leika sér á eigin forsendum?

Friðarsúlan tendruð í Viðey

HARÐUR ÁREKSTUR BÍLS OG HJÓLS

  Sem þátttakandi í umferðinni á höfuðborgarsvæðinu daglega allan ársins hring, vekur þessi endurtekna frétt mig til umhugsunar. Vitnað er í skýrslu lögreglunnar um að bifreið hafi verið ekið í veg fyrir hjólið. Myndin sem fylgir af slysstað er af gatnamótum eða jafnvel hringtorgi.

  Eins og fréttin er ítrekað orðuð má slá föstu að sá sem var á hjólinu hafi verið í einhverjum sérstökum rétti, sem ökumaður bifreiðarinnar hafi brotið á. Er það niðurstaða lögreglunnar? Það er ótækt að í fréttum sé ökumaðurinn sakfelldur án frekari upplýsinga sem styðji sök hans.

 

 

Enn í öndunarvél eftir alvarlegt slys

VIÐ SUÐURLANDSBRAUT

  Var þetta utanvegaakstur í sjálfri höfuðborginni?

  Nokkuð Gnarr?

Hörð aftanákeyrsla við Suðurlandsbraut