RÖNG AÐGERÐ

  Eins og sjá mátti og má, og lesa mátti um og má, var stórum lögreglubíl ekið niður Laugaveginn sem var annars lokaður bílaumferð. Í bílnum voru þrír lögreglumenn! Konan sem málið snýst um er í augljósum vandræðum í vegi bílsins, situr bara þar. Í stað þess að einhver úr lögreglubílnum stígi út og reyni að ná sambandi við konuna og fá hana til að færa sig, er þessum eina bíl í akstri á Laugaveginum mjakað að henni og kallað á hana úr bílnum.

  Þetta voru fyrstu mistökin í málinu og grundvallarmistökin.

  Lögreglubílnum er enn mjakað áfram þegar konan er staðin upp og reynir að ganga svo nærri honun að hún rekur höfuðið í spegil bílsins. Er ósátt og skyrpir inn um bílstjóragluggann, sem var vissulega óheppilegt. En af hverju var rúðan ekki uppi þegar þessi ógnvænlegi borgari nálgaðist lögregluna?

  Viðbrögð lögreglumannsins sem ók bílnum voru augljóslega skyndiákvörðun og harkalegri en nokkur rök gátu staðið fyrir. Það að flækja þeim saman við viðurkenndar handtökuaðferðir er vörn um aðferðir án tillits til aðdraganda og aðstæðna. Og þess vegna ástandsins í lögreglubílnum þar sem enginn virkaði á vettvangi utan bílsins fyrr en kona var snúin niður yfir götubekk og hent inn í bílinn eins og stórhættulegu glæpakvendi.

  Eftir stendur að hefði áhöfn lögreglubílsins sem var einn á róli niður Laugveginn staðið sig í mati á aðstæðum og mannlegum samskiptum værum við ekki að lesa þessar fréttir um málið sem eru enn í fyrirsögnum.

   

Vilja handtökumálið fyrir Hæstarétt

ÁRNI PÁLL

  Árni Páll er alveg sérstök blaðurskjóða og virðist ekki hafa nein tök á því að finna rök fyrir málflutningi sínum. Samfylkingin stækkar ekki með honum, hún mun ekki ná flugi á meðan formaðurinn rakkar aðra niður og hefur ekki annað til málanna að leggja. Hann nefnir leiksýningu, það er hans fag, að sýnast.

„Skuldaleiksýningin var tilkomumikil“

HVAÐ VERÐUR UM REYNI Í RAUNUM?

   Búksorgir Reynis ritstjóra hafa haldið mér að DV áfram núna um árabil, samt bara á stangli þegar ég hef rekist á blaðið á förnum vegi. Síðast þegar ég lenti í þessu, minnir að hafi verið á OLÍS í Álfheimum, var Reynir orðinn laufléttur. Svo að nú spyr ég einfaldlega hvort ég sé að sjá alveg eftir kallinum ...

DV fækkar útgáfudögum úr 3 í 2

BJARNI Í HAFRAGRAUT

  Þessi ummæli formanns Sjálfstæðisflokksins eru dæmigerð. Með orðagjálfri um að í ríkisstjórninni hafi ekki komið til tals að halda þjóðaratkvæðagreiðslu, játar hann að hafa ekki komið yfirlýstri stefnu sinni á framfæri við samstarfsflokkinn. Samt lýsir hann stefnu sinni!!!

  Ég legg til að Bjarni borði meiri hafragraut á morgnana. Hann er ekki heill pólitískri heilsu.

Stefna flokkanna alltaf verið skýr

RÖKRÉTT ÁLYKTUN

  Þetta er kórrétt ályktun.

  Ég styð þjóðaratkvæðið.

  Þetta leikrit verður að taka enda.

 

Þjóðaratkvæði eða umsókninni hætt

STÚLKA SEM NÆR EKKI ÁTTUM

  Þessi stúlka er núna eftirlýst og ég veit ekki í hvað mörg skipti áður á þessu ári. Hún týnist, finnst og strýkur, finnst og hverfur. Augljóslega er eitthvað mikið að í hennar heimi, en hver er heimur hennar? Og mikið að í þeim heimi sem á að halda utan um hana, sem er hver?

Lýst eftir Brynju Mist

UNDIRSKRIFT ILLUGA

  Þetta er vitanlega dásamlegt. Enda eru kínversk yfirvöld að gera sér dælt við okkur. Hvað þá Nubo ... Illugi kann að skrifa nafnið sitt á íslensku, ég hef séð það, en hvernig skrifar hann það á kínversku og þá hvaða kínversku? Brenn í skinninu ...

Illugi undirritar samning við Kína

YFIRVEGUÐ AÐGERÐ?

  Myndbandið sýnir fyrst konuna sýna óljósa tilburði gagnvart stórum lögreglubíl með þrem lögreglumönnum innanborðs. Bíllinn er ekki með blá blikkandi ljós né með sírenu á. Einhver samskipti eiga sér stað og bílnum er þokað áfram. Það líkar konunni greinilega ekki. Síðan gengur hún að bílstjóraglugganum þegar bíllinn stendur aftur kyrr. Hvað þar gerist sést ekki en nú er sagt að hún hafi hrækt á bílstjórann, sem bregst við með handtöku eins og myndbandið sýnir.

  Þetta gerist ekki í einu vetfangi, en engum lögreglumanninum dettur í hug að fara út til þess að tala við konuna og reyna að tala hana til. Þess i stað er bílnum otað að henni. Ég kann ekki skil á þessari handtökuaðferð, sem formaður Landssambands lögreglumanna telur viðurkennda. Í mínum augum er aðalatriðið hvað þrír lögreglumenn í stórum lögreglubíl ganga langt gegn konu illa á sig kominni án þess að gera tilraun til þess að lempa málið, en láta bílinn tala. Er þetta yfirveguð aðgerð?

Beitti viðurkenndri handtökuaðferð

AF HVERJU ER FÓLKIÐ SVONA MISSTÓRT OG HLÉDRÆGT?

  Ég veit ekki svarið við spurningunni.

  En eins klár og skelegg og Hanna Birna er, talar hún ekki bara yfir alla heldur kaffærir hún sig í eigin málæði. Ef hún lærir ekki að tjá sig á hraða venjulegs fólks og að beita réttum áherslum og töktum í ræðumennsku, nær hún ekki lengra en nú er komið, sem er á byrjunarreitnum í alvörupólitík.

Hanna Birna heimsótti ríkislögreglustjóra

JÓN ÁSGEIR OG MIKAEL ERKIENGILL

  Ég sá fram á það strax fyrr í vikunni að lítið yrði á borðum í dag, sem er næst síðasti dagur þessa mánaðar. Nú kom það í ljós áðan og ég ætlaði að lýsa því með mynd af tómum ísskápnum. Sló því inn "tómur ísskápur" og viti menn, þar birtust Jón Ásgeir, Mikael erkiengill hans og samkórinn ...